Latest blogs
Created by - Hilal Banouni
التجارة الالكترونية ما بقا فيها ما يدار
التجارة الالكترونية ما بقا فيها ما يدار هادشي قالولي دري صاحبي من بعد ما دخل لهاد المجال و ما دار فيه والو قالها من بعد ما شاف الأغلبية كيبيع غي قشاوش عشورة و الاغلبية كيعاني مع السدان ديال الحسابات الاعلانية، انا فاش قالي هاد لكلام بقيت كنضحك حيت قلتلو نتا معندكش ثقافة تجاوز المشكل نتا الحجرة لي جات فطريقك كتعكل فيها بلعاني و تبدا تشكي.و باش تقدر دير بلاصتك فالتجارة الالكترونية خص تعرف المشاكل ديالها و دير الحلول ديالها قبل متوقع فالمشكل باش يلا طحتي فالمشكل كطبق عليه الحل و دغيا كتخرج منو، نعطيك غي مثال واش عمرك شفتي شي حد ماشي يطلع فجبل بلا مُعدات؟ أكيد لا حيت خصك تدي معاك الخيمة و الحبل و الضواية و الكاسك و زيد و زيد، باش لا قدر الله و طحتي فشي مشكل كتكون موفر لراسك الحماية، اوى تا التحارة الالكترونية نفس الشيء خصك تكون موجد الحل في حالة طلقتي حملة و ما نجحاتلكش خصك تكون موجد الحل يلا تسدوليك الحسابات الاعلانية و ما بقاوش بغاو يتحلوليك مزال و خص تكون موجد الحل يلا لقيتي البيع قليل و خاص تكون موجد 100 حل قبل ما تبدا كيف كا يقول المثل 100 تخميمة و تخميمة والا ضربة بالمقص، دابا خصنا أول حل ديال كيفاش نعرفو المشاكل كلها باش نوجدولها من دابا الحلول هادشي لي جاوبت عليه فهاد لفيديو الفيديو بعنوان شنو هي أكبر مشاكل التجارة الالكترونية و شنو هي الحلول ديالها فرجة ممتعة https://fb.watch/h1XLf6HCPT/
More detailsPublished - Sun, 27 Nov 2022
Created by - Hilal Banouni
الأغلبية لي كيبدا التجارة الالكترونية كيفشل فيها حيت...
بغيت نعطي غي واحد النصيحة للناس لي عاد غا يبداو الايكوم لوكال لي هي:سمع ا خويا لعزيز باش تبدا الايكوم لوكال كاينين جوج طرقان الطريق الاولى هي تبدا تدخل ليوتيوب و التعلم من هدا و هدا و تابع الدورات بحال ديال بلال و اد يحيى و دوك النصابة (بدون تعميم حيت ماشي كلي نصاب) و كل واحد تاخد منو شوية و تدخل للمجموعات و تبدا تسول و تبحث و تجمع راس لمال غي من لفري طرافيك.المميزات ديال هاد الطريق: ماشي مكلفة، تقدر تبدا براس لمال قليل، كا تكون عندك معلومات متنوعةالسلبيات ديال هاد الطريق: الطريق طويلة لأنك خاصك تعلم بزاف، هادوك لي فيوتيوب كل واحد غا يلوحك عند لاخور يعني ما كا يعطيوش المعلومة المرضية و لي عندها قيمة فعلية الشيء لي غا يخليك مشتت و ما شاد والو، غا تلقا راسك غي كا ضيع الوقت فمعضم الأحيان فالبحث الفارغ، من بعد ما تجمع راس لمال غا يمشيلك ف التجارب الفاشلة و سطوك غا يبقالك فراسك حيت نتا غي جامع المعلومات مشتتة هادشي علاش غالبا كا تفشل و زيد و زيد (غي ما بغيتش نطول اما انا نقول جميع السلبيات ههه)دابا ندوزو للطريق التانية، الطريق التانية ا سيدي هي أنك تشوف شي واحد شديد يعني شي حد شديد نيت (و ما شديد غي الله) يعني شي حد عندو خبرة معمقة فالايكوم لوكال لي يشد بيدك من البداية حتال النهاية يعني من طاق طاق تال السلام عليكم (واخا هاد العبارة قديمة شوية والاكين عجباتني ههه) و من الاحسن تشوف شي حد عندو خبرة فالاكوم لوكال و الدروب بجوج (حيت بجوجهوم فيهوم ما يدار) أرانا أسيدي دابا المميزات و العيوب ههه و نبداو بالعيوب هاد المرة.العيوب ديال هاد الطريق: تقدر تكون مكَلِّفة نوعا ما، وصعيب تلقا شي حد شديد لي تيق فيه و ما يخويش بيك و أيضا صعيب تلقا شي حد شديد لي يعلمك من الأصل ههه صافي هدا ما كان.أرانا أسيدي المميزات دابا: غالبا غا تلقا النجاح من الأول لأنه خا تاخد غي المفيد و اللاسقغا يوفر ليك دورة تكوينية من لول تال تالي على كيفاش تلقى منتج الرابح سواء كنتي غا تخدم دروپشيبن اولا الايكوم لوكال.غا يعطيك قائمة ديال الموردين و الموزعين لي ثقة و عندهوم كفائة عالية و على ضمانتي.غا يصايب ليك سطور احترافي و ما تخلص عليه والو لعام لول.غا يعطيك الدعم اللازم فأي وقت بغيتيغا يصايب ليك لوغو احترافي.غا يصايب ليك تصاور و فيديوهات احترافية موشن حرافيك للمنتوجات ديالك.غا يتكلف ليك بالحملات الاعلانية من لول تال تالي (نتا لي كا تخلص الاعلانات).المهم بلا ما تفكر بعيد يلا كنتي باغي هدا لي شديد و خاتر فالدومين لي يهنيك من هادشي راه هو أنا (بلا فخمة على الله) و هادشي كلو بالمجانهاد الخدمة ديال المواكبة كنقدموها فهاد المجالات:Ecommerce (Maroc, khalij)Dropshipping (Big five)Affiliate marketing (Digital products ONLY)SaaS Projectبدا بهاد الدورة المجانية بعدا و فاش تساليها رجع عندي نبدا معاك المواكبة اضغط هنا
More detailsPublished - Fri, 25 Nov 2022
Created by - Hilal Banouni
القاعدة الذهبية باش تنجح فالتجارة الالكترونية
القاعدة 1يلا كان برودوي جديد و بغيتي تبيعو فمكيهمش سيت واش برو اولا عادي و مكيهمش واش حملة اعلانية عشوائية اولا احترافية و مكيهمش الفيديو الاعلاني واش احترافي اولا مخربق، لأنه فكل الحالات البرودوي بايع راسو براسو.السلبيات ديال المنتج الجديدتقدر تلقاه تقدر متلقاهش يعني صعيب طيح فيه و تا يلا طحتي فيه دغيا كيتحرق و مكيبقاش يجيب مبيعات كيف نهار الاول، و تقدر تبقا تقلب عليه شهر و موحالش تلقاه.القاعدة 2يلا كان برودوي قديم و بغيتي تبيعو فراه مغيتباعليكش إلا فظل شروط ضرورية لي هي خص يكون كلشي احترافي اول حاجة الموقع خصو يكون برو ماشي داك تخربيق ديال يوكان خص يكون مخدوم ف ووكميرس و خصك فيديو برو يكون فيه التعليق الصوتي و الموشنجرافيك و ال جذب الإنتباه و زيد و زيد، و الحملة الاعلانية خصها تكون مجهدة على كل المستويات.لي بغا يبدا الاكوميرس لوكال و تالف عليه بهاد الدورة قسما بالله يلا حسن من دوك الدورات لي فيوتيوب بشهادة كتر من 100 واحد ها هي فهاد الرابط
More detailsPublished - Fri, 25 Nov 2022
Created by - Hilal Banouni
بغيتي تبدا التجارة الالكترونية و معرفتيش منين تبدا؟
بغيتي تبدا التجارة الالكترونية و معرفتيش منين تبدا؟تبع معايا يلا بغيتي تعرف هاد 3 دالمصادر أهم أول مصدر هو يوتيوب، غي هو أي حاجة عندها سلبيات و إيجايبيات. الايجايبات:التعلم مجاني و مكتخلص والو و محتوى متنوع و مختلط يعني كتعلم من عند هدا و هدا و لاخور و لاخور يعني كلشي فابور. السلبيات:المعلومات جودتها رديئة و أكبر دليل هو فاش كتبدا التجارة الالكترونية و كتلقا راسك غي كتخسر لفلوس و صافي و هادشي بشهادة ديال 90% ديال ناس لي كنعرف، و حتى لي ميطود لي كيشرحوهم دوك صحاب يوتيوب كيكونو محروقين يعني ميمكنش شي حاجة تكون خدامة و يشاركها معاك غي هاكاك، يعني تا كتنشف ديك لعوينة عاد كيجي هو يدير عليها ڤيديو باش يربح من المشاهدات و أدسنس و نتا كتكون الضحية حيت سحابلك هو باغيلك الخير و انما هو باغي غي الربح من ادسنس و المشاهدات.ثاني أهم مصدر هو شراء دورات المؤثرين. الايجابيات:كيختاصر عليك الوقت و كيجمعلك كل المعلومات فسلسلة من الفيديوهات باش متعدبش فالبحث. السلبيات:أسوء طريقة للتعلم هي تشري دورة عرفتي علاش؟ لأنه %90 من بائعي الدورات نصابة و طماعة، طماعة حيت عوض ميبيعو بتمن مناسب (بين 100 تال 500 درهم) كتلقاهم كيبيعو (بين 2000 تال 9000 درهم) يعني هدفهوم هو الربح من الدورات ماشي يعطيوك المفيد و اللاصق، و نصابة حيت كيبيعولك الوهم كيقولولك غي شري و غتولي مليونير و غتولي دخل آلاف الدولارات،.من التالي لي قالك أجي شري دورة هرب منو عرفو باغي فيك الخدمة.ثالث أهم مصدر لتعلم التجارة الالكترونية هو lada.ma الايجابيات:هي أول منصة مغربية لتعلم التجارة الالكترونية بشكل مجاني أييه أسيدي فيها محتوى حصري مضايرش بحالو فيوتيوب و المحتوى لي فيها أحسن جودة بعشر مرات من الدورات المدفوعة لأن الهدف ديالهوم غير ربحي بمعنى باغيين يقدمومحتوى ذو جودة عالية و بالمجان من لفوق حيت كيآكنو أن التعلم خاصو يكون بالمجان و هاكا غيقضيو على النصابة و الشفارة و أصحاب المحتوى الرديء غا لي ضرب 500 دولارمنالأنترنت ينوض يديرنا دورة هههه، مشكلة مع هاد لبراهش السلبيات:المنصة عاد فالبدايات ديالها يعني باقي محطو دورات فالمجالات الأخرى يعني دابا كاين غي محتوى خاص بالتجارة الالكترونية المحلية و المجالات الأخرى جايين فطريق.للمزيد شوف المصدر (راه لتحت) حيت عاد تحط واحد الفيديو بعنوان أجي تفهم شنو الفرق بين الدروبشيبن و الاكوم لوكال و شكون لي حسن مع ذكر المميزات و العيوب لكلى المجالين و شكون لي نصحك بيهhttps://www.facebook.com/chng.mntlityرابط الدورة المجانية إضغط هناهادشي كنديروه في إطار:Let's change our mindset ❤️
More detailsPublished - Fri, 25 Nov 2022
Popular blogs
Created by - Hilal Banouni
الأغلبية لي كيبدا التجارة الالكترونية كيفشل فيها حيت...
بغيت نعطي غي واحد النصيحة للناس لي عاد غا يبداو الايكوم لوكال لي هي:سمع ا خويا لعزيز باش تبدا الايكوم لوكال كاينين جوج طرقان الطريق الاولى هي تبدا تدخل ليوتيوب و التعلم من هدا و هدا و تابع الدورات بحال ديال بلال و اد يحيى و دوك النصابة (بدون تعميم حيت ماشي كلي نصاب) و كل واحد تاخد منو شوية و تدخل للمجموعات و تبدا تسول و تبحث و تجمع راس لمال غي من لفري طرافيك.المميزات ديال هاد الطريق: ماشي مكلفة، تقدر تبدا براس لمال قليل، كا تكون عندك معلومات متنوعةالسلبيات ديال هاد الطريق: الطريق طويلة لأنك خاصك تعلم بزاف، هادوك لي فيوتيوب كل واحد غا يلوحك عند لاخور يعني ما كا يعطيوش المعلومة المرضية و لي عندها قيمة فعلية الشيء لي غا يخليك مشتت و ما شاد والو، غا تلقا راسك غي كا ضيع الوقت فمعضم الأحيان فالبحث الفارغ، من بعد ما تجمع راس لمال غا يمشيلك ف التجارب الفاشلة و سطوك غا يبقالك فراسك حيت نتا غي جامع المعلومات مشتتة هادشي علاش غالبا كا تفشل و زيد و زيد (غي ما بغيتش نطول اما انا نقول جميع السلبيات ههه)دابا ندوزو للطريق التانية، الطريق التانية ا سيدي هي أنك تشوف شي واحد شديد يعني شي حد شديد نيت (و ما شديد غي الله) يعني شي حد عندو خبرة معمقة فالايكوم لوكال لي يشد بيدك من البداية حتال النهاية يعني من طاق طاق تال السلام عليكم (واخا هاد العبارة قديمة شوية والاكين عجباتني ههه) و من الاحسن تشوف شي حد عندو خبرة فالاكوم لوكال و الدروب بجوج (حيت بجوجهوم فيهوم ما يدار) أرانا أسيدي دابا المميزات و العيوب ههه و نبداو بالعيوب هاد المرة.العيوب ديال هاد الطريق: تقدر تكون مكَلِّفة نوعا ما، وصعيب تلقا شي حد شديد لي تيق فيه و ما يخويش بيك و أيضا صعيب تلقا شي حد شديد لي يعلمك من الأصل ههه صافي هدا ما كان.أرانا أسيدي المميزات دابا: غالبا غا تلقا النجاح من الأول لأنه خا تاخد غي المفيد و اللاسقغا يوفر ليك دورة تكوينية من لول تال تالي على كيفاش تلقى منتج الرابح سواء كنتي غا تخدم دروپشيبن اولا الايكوم لوكال.غا يعطيك قائمة ديال الموردين و الموزعين لي ثقة و عندهوم كفائة عالية و على ضمانتي.غا يصايب ليك سطور احترافي و ما تخلص عليه والو لعام لول.غا يعطيك الدعم اللازم فأي وقت بغيتيغا يصايب ليك لوغو احترافي.غا يصايب ليك تصاور و فيديوهات احترافية موشن حرافيك للمنتوجات ديالك.غا يتكلف ليك بالحملات الاعلانية من لول تال تالي (نتا لي كا تخلص الاعلانات).المهم بلا ما تفكر بعيد يلا كنتي باغي هدا لي شديد و خاتر فالدومين لي يهنيك من هادشي راه هو أنا (بلا فخمة على الله) و هادشي كلو بالمجانهاد الخدمة ديال المواكبة كنقدموها فهاد المجالات:Ecommerce (Maroc, khalij)Dropshipping (Big five)Affiliate marketing (Digital products ONLY)SaaS Projectبدا بهاد الدورة المجانية بعدا و فاش تساليها رجع عندي نبدا معاك المواكبة اضغط هنا
More detailsPublished - Fri, 25 Nov 2022
Search
Popular categories
Latest blogs
التجارة الالكترونية ما بقا فيها ما يدار
Sun, 27 Nov 2022
الأغلبية لي كيبدا التجارة الالكترونية كيفشل فيها حيت...
Fri, 25 Nov 2022
القاعدة الذهبية باش تنجح فالتجارة الالكترونية
Fri, 25 Nov 2022
Write a public review